Heil og sæl! Fyrir einhverjum árum þá var ég alltaf með smoothie í hönd en svo fuðraði smoothie-áhuginn minn upp því ég var alltaf að gera sama smoothie’inn aftur og aftur. Ég hef hins vegar verið að prófa mig áfram í smoothie-gerð undanfarnar vikur og áhuginn er kviknaður á ný! Í samstarfi við Himneska Hollustu þá ætla ég að deila með ykkur uppskrift af fyrsta flokks smoothie! Ég nota alls konar góðgæti í þennan bleika smoothie, m.a. jarðaber, banana og kasjúhnetusmjör sem er fáranlega gott saman! Svo er alveg hægt að sleppa plöntumjólkinni sem blandar allt saman og búa sér til smoothie-skál í staðinn!
Innihald:
- 1 banani
- 5-10 frosin jarðaber
- 1 væn msk af heimalöguðu kasjúhnetusmjöri (MONKI er líka með æðislegt kasjúhnetusmjör sem maður getur keypt tilbúið)
- 2 msk fínar hafraflögur frá Himneskri Hollustu
- 1 msk fræ frá Himneskri Hollustu (t.d. chia fræ, hampfræ eða hörfræ)
- 2 – 3 dl af plöntumjólk, fer eftir hversu þykkan eða þunnan þú vilt hafa smoothie’inn (ég notaði heimalagaða kasjúhnetumjólk )
Aðferð:
Setjið allt hráefni í kröftugan blandara og blandið vel saman! Ef þið ætlið að gera smoothie-skál setjið allt hráefni nema plöntumjólkina í matvinnsluvél og blandið vel saman. Njótið!
Ef þið viljið fylgjast betur með mér getið þið fylgt mér á Instagram en ég er undir nafninu astaeats.
Prófaðir þú þessa uppskrift? Ef svo er þá máttu endilega segja mér hvernig tókst til!
Þangað til næst, verið heil og sæl!
