Það styttist í uppáhalds dag margra á árinu þá sérstaklega sælkeranna, sjálfan bolludaginn. Þeir sem valið hafa að tileinka sér sykurlausan lífstíl þurfa á engan hátt að missa af veislunni því með aðstoð Good Good er lítið mál að halda bolludaginn hátíðlegan án sykurs.
Good Good er íslenskt fyrirtæki sem þróar og framleiðir matvöru án sykurs og gervisætuefni. Markmið Good Good er að búa til vörur sem bæði bragðast vel og eru hollar. Nálgast má Good Good vörurnar í öllum helstu matvöruverslunum á Íslandi.
En hvernig myndi sykurlaus bolludagur líta út? Jú, einhvern veginn svona:
Vatnsdeigsbollur með jarðaberjarjóma
-Höfundur Krista María.
INNIHALD:
- 220 g vatn
- 115 g smjör
- 1 msk Good good strásæta
- 1/2 tsk gróft salt
- 95 g fituskert möndlumjöl frá Funksjonell
- 1 msk Xanthan gum eða um 8 g
- 3 meðalstór egg, pískuð
- 1 tsk vanilludropar
- 1 msk vínsteinslyftiduft
AÐFERÐ:
- Hitið ofn í 200°með blæstri
- Ef þið notið ekki Thermomix þá er vatn og smjör hitað í potti ásamt sætu og salti.
- Þegar vatnið er við suðu þá er þurrefnum bætt við og hrært kröftuglega í pottinum. Takið pottinn af hellunni og hrærið þar til deigið losnar frá hliðum.
- Setjið deigið í hrærivél og látið k spaðann hræra þar til mesti hitinn rýkur úr því, bætið þá við pískuðum eggjum í rólegheitum ásamt vanilludropum og hrærið á milli eggja.
- Setjið deigið síðan í sprautupoka og sprautið um 12 bollum á smjörpappírsklædda bökunarplötu eða notið silikonmottu, þær eru frábærar líka.
- Bakið bollurnar í 20-25 mín, fer aðeins eftir krafti ofnsins þíns. Ekki láta þær brenna en reynið að opna ekki ofninn á meðan bakstri stendur. Leyfið bollunum að kólna í ofninum ekki rífa þær út strax.
GLASSÚR:
- 4 msk strásæta, Good good, malið með nutribullet t.d. eða í blandara
- 2 msk kakó ég nota Nóa siríus
- 2 msk brædd kókosolía, bragðlaus eða 2 msk brætt smjör
- 1 kúfuð msk Good good síróp
- 1/2 tsk möndludropar
- dreitill af soðnu vatni eða kaffi ef þarf að þynna
AÐFERÐ:
- Malið sætuna, bætið við kakói og síðan bræddri kókosolíu, möndludropum, sírópið og þynnið ef þarf með soðnu vatni eða smá kaffi.
- Þeytið 1 pela af laktósafríum g rjóma og setjið 4 msk af Good good jarðaberjasultu saman við.
- Sprautið rjómanum á milli bolluhelminga og skreytið með glassúr.
Mikilvægast af öllu er að opna aldrei ofninn á meðan bollurnar bakast því þá falla þær.
