Uppskrift af bollum:
2dl vatn
100gr smjör
2dl fínt spelt frá Himneskri Hollustu
2 egg
Hitið ofninn í 190°C blástur. Setjið smjör og vatn í pott og hitið saman þangað til blandan byrjar að sjóða. Takið þá pottinn af hellunni og blandið speltinu saman við með sleif og hrærið þar til myndast hefur deigkúla. Setjið deigið í hrærivélaskál og dreifið því upp á kantana (svo það kólni fyrr). Þegar mesti hitinn er farinn úr deiginu setjið þið eitt egg í einu út í skálina og hrærið vel saman. Hættið ekki að hræra fyrr en eggin hafa samlagast deiginu. Setjið bollur með tveimur matskeiðum á ofnplötu klædda með bökunarpappír.
Bakið bollurnar í um 20-25 mínútur og opnið ekki ofninn fyrr því þá falla þær frekar.
Súkkulaðiglassúr
150gr flórsykur
1-2msk kakó
Ögn af möndlumjólk, bræddu smjöri og-eða kaffi til að þynna í krem. Gætið þess að setja ekki of mikinn vökva, farið varlega svo að kremið verði í æskilegri þykkt.
Ekta súkkulaði
1 plata súkkulaði sem ykkur finnst gott
3msk möndlumjólk
Bræðið varlega saman og setjið á bollurnar. Bætið við mjólk ef þið viljið þynna kremið meira.
Höfundur: Ebba Guðný
