Það virðist samt vera að þegar saga Eurovision er skoðuð þá sést vel hvernig tíska í heiminum var í gangi fyrstu ár keppninnar en þegar síðustu ár eru skoðuð þá er nokkuð ljóst að klæðnaður keppenda á sér enga hliðstæðu í raunveruleikanum. Þetta eru oft á tíðum afar einkennilegir búningar sem eiga greinilega bara að vekja athygli enda vitum við það að allt sem er mjög áberandi vekur augað og við munum miklu betur eftir þeim atriðum en öðrum.
Svíþjóð – ABBA með lagið Waterloo árið 1974
ABBA kom, sá og sigraði Eurovision með þessu sígilda lagi sem er vinsælt enn í dag. Hljómsveitin er þekkt fyrir einstakan stíl og voru áberandi í keppninni á sínum tíma.
https://www.youtube.com/watch?v=3FsVeMz1F5c
Bretland – Olivia Newton John með lagið Long Live Love árið 1974
Grease stjarnan Olivia Newton John keppti fyrir hönd Bretlands og hafnaði í 4. sæti. Olivia keppti í ljósbláum kjól sem náði niður í gólf og minnti helst á náttkjól. Hún er algjört krútt í þessu dressi.
Írland – Sheeba með lagið Horoscopes árið 1981
Blár spandex galli sem hefur þótt virkilega framúrstefnulegur á þessum tíma.
Bretland – Bucks Fizz með lagið Making Your Mind Up árið 1981
Þetta var algjörlega ógleymanleg stund þegar þessi stigu á svið, öll svakalega flott í gulu, rauðu, grænu og bláu. Þær í síðum pilsum sem þeir síðan kippa af þeim og þá eru þær í rosalega stuttum pilsum.
https://www.youtube.com/watch?v=FVvz7NA28CM
Frægt atriði frá keppninni árið 1985
Lill Lindfors, kynnir keppnarinnar, flækti pilsið sitt á leið á sviðið sem átti að hrista upp í áhorfendum en þetta var hrekkur sem átti að vera mjög sniðugur og þótti það sjálfsagt á sínum tíma.
https://www.youtube.com/watch?v=7Tmk23i4giE
Ísland – Icy með lagið Gleðibankinn árið 1986
Lagið var sungið á íslensku og hafnaði í 16. sæti af 20 lögum. Dressið alveg í takt við tískuna á þessum tíma.
Mynd eftir Gunnar V. Andrésson
https://www.youtube.com/watch?v=eGegovbGTOg
Sviss – Celiné Dion með lagið Ne Partez Pas Sans Moi árið 1988
Celiné Dion keppti fyrir hönd Sviss árið 1988 og sigraði keppnina. Hún er líklega stærsta stjarnan sem við höfum nokkurntíman séð á Euro sviðinu.
Ísrael – Dana International með lagið Diva árið 1998
Dana International var fyrsti kynskiptingurinn til að taka þátt í Eurovision en hún var í jakka sem var eins og páfagaukur en hún hristi aldeilis upp í keppninni.
Ísland – Silvía Nótt með lagið Congratulations árið 2006
Hvernig eigum við að lýsa þessu? Þetta er eins og Silvía Nótt hafi verið að reyna að ná því að vera eins og dragdrotting í páfagaukalíki en þetta passaði henni mjög vel og karakternum sem hún var í.
Aserbaijan – Aysel & Arash með lagið Always árið 2009
Það hefur alveg gleymst að segja henni að það vantar hluta af buxunum hennar. Hún fær þó rokkstig fyrir að reyna.
Moldóva – Zdob și Zdub með lagið So Lucky árið 2011
Það hefði mátt halda að þau væru að mæta í prufur fyrir einhvern barnaþátt. Þetta er nú líklegast ekki eitthvað sem kemur í tísku á næstunni.
Írland – Jedward bræðurnir með lagið Lipstick árið 2011 og lagið Waterline árið 2012
Bræðurnir voru fyrstu keppendur í sögu Eurovision til að keppa tvö ár í röð. Lipstick endaði í 8. sæti en Waterline í 19. sæti. Allt snýst um læti, glans og glimmer hjá þessum strákum og fara þeir langt, langt yfir strikið hvað varðar búningaval.
Moldóva – Aliona Moon með lagið O mie árið 2013
Lagið hafnaði í 11. sæti í keppninni sem haldin val í Malmö í Svíþjóð. Hreint út sagt ótrúlegur kjóll sem stækkar og skartar allskonar myndum og litum.
https://www.youtube.com/watch?v=xckgLUv73Jc
Svartfjallaland – Slavko Kalezić með Space í keppninni nú í ár.
Slavko keppti á fyrra undanúrslitakvöldinu með Svölu okkar Björgvins. Hann vakti mikla athygli og þá sérstaklega fyrir u.þ.b. tveggja metra fléttu sem hann sveiflar um á sviðinu.
Höfundur: H Talari
