Meinhollar ketó kúrbítsbollur

Þessar kúrbítsbollur henta öllum þeim sem eru á lágkolvetna mataræði en eru líka frábærar fyrir alla þá sem vilja skipta út klassísku brauðbollunum og rúnstykkjunum fyrir hollari valkost. Eins og sjá má í uppskriftinni hér að neðan má finna meinholl innihaldsefni í bollunum, svo sem kúrbít, möndlur, HUSK (trefjar), egg og ólífur. Sem sagt allskyns vítamín, steinefni, hollar fitur og prótín. Nú er bara að rífa upp hrærivélina og henda í eins og tvöfalda uppskrift til þess að njóta í sumarfríinu.

Innihald:

  • 160 gr rifinn kúrbítur
  • 80 gr möndlumjöl NOW
  • 60 gr HUSK
  • 80 gr kókoshveiti NOW
  • 2 msk ítalskt krydd t.d.Pottagaldur
  • 4 egg
  • 4 msk ólífuolía
  • 1 msk svartur pipar
  • 1 msk gróft sjávarsalt
  • 200 ml sódavatn
  • 1 msk lyftiduft
  • svartar ólífur og rifinn ostur, valfrjálst

Aðferð:

Blanda öllu saman í hrærivél, móta góðar bollur stráið hör- eða sesamfræjum yfir ásamt dálitlu sjávarsalti.

Bakið í 45-50 mín á 170°hita.