Höfundur: Ásta Eats- Matarbloggari
Ef þú þarft eitthvað með kaffinu þá eru þessar sætu, fylltu döðlur svarið! Þessar döðlur eru fylltar með gómsætu hnetusmjöri og ekki nóg með það en þá eru
þær líka hjúpaðar með heimalöguðu súkkulaði sem inniheldur …
hvað haldið þið …
ennþá meira hnetusmjör!
Innihald:
15-20 döðlur frá MUNA
6-10 tsk fínt hnetusmjör frá MUNA
Heimalagað súkkulaði
2 msk kókosolía frá MUNA (fljótandi)
2 msk kakóduft frá MUNA
1 tsk dökkt agave síróp frá MUNA
1 tsk fínt hnetusmjör frá MUNA
Aðferð:
Fyllið döðlurnar með hnetusmjöri ca. 1/4 – 1/2 tsk í hverja döðlu og skellið þeim inn í frysti í 10 mín. Á meðan gerið þið súkkulaðið.
Bræðið niður kókosolíu og hrærið í kakóduftið. Bætið svo sírópinu við og hnetusmjörinu og hrærið öllu vel saman.
Löðrið döðlunum í súkkulaði og stráið sjávarsalti yfir ef þið viljið.
Geymið döðlurnar inn í frysti og þið eruð tilbúin fyrir kaffiboðið hvenær sem er!
Það gerist ekki mikið einfaldara eða ljúffengara, verði ykkur að góðu
Ásta
Hér má sjá Instagram aðgang Ástu
Þessa uppskrift og aðrar girnilegar uppskriftir má finna á heimasíðu Muna
