Vöfflur í hollari kantinum

Ef þú ert óðum að plana vöfflukaffið um komandi helgi en langar að breyta frá gömlu klassísku vöfflunum yfir í hollari týpuna, er ekki úr vegi að fá þessi uppskrift hér að neðan lánaða en það var hún Íris Blöndahl sem deildi henni með okkur. Það má jafnvel skipta yfir í glúteinlausa hafra og þannig gera uppskriftina glútenlausa, eða skipta mjólkinni út fyrir Isola möndlumjólk, ef um mjólkuróþol er að ræða.

Nú er bara að sækja járnið og skella í uppskriftina!

Innihald

  • 4 Egg
  • 4 dl Mjólk
  • 4 dl Haframjöl frá Himneskri hollustu
  • 1 dl Kókosmjöl frá Himneskri hollustu
  • 2 tsk Lyftiduft
  • 2 tsk Vanilludropar

Aðferð

Setjið haframjöl og kókosmjöl frá Himneskri Hollustu í matvinnsluvél eða blandara og blandið þar til verður að grófu dufti. Blandið þá öllum innihalds efnum saman og hellið deiginu í sirka 7 skömmtum í vöfflujárn. Berið fram með sultu, rjóma og berjum.

Uppskriftin býr til u.þ.b. 7 stk af vöfflum.