Nú styttist óðum í helgina og eflaust einhverjir sem vilja eiga eitthvað gotterí að grípa í, án þess þó að þurfa að taka samviskubits rúsíbanann lóðrétt niður. Þá er ágætt að stilla veigunum í hóf og jafnvel grípa til þess ráðs að útbúa eitthvað sem er bæði hollt og gott. Meðfylgjandi uppskrift að hampfræ nammi tikkar í bæði boxin og er því tilvalin fyrir komandi helgarfrí.
Innihald:
200 g sæta, Sweet like sugar
40 g kakó
150 g hampfræ frá Himneskri Hollustu
100 g kókosflögur frá Himneskri Hollustu
120 g hnetusmjör Monki
2 tsk vanilludropar
30 g smjör
150 g kókosolía frá Himneskri Hollustu
Aðferð:
Fínmalið sætuna í blandara og blandið saman við kakóið, kókosflögurnar ( ágætt að mylja aðeins flögurnar )og fræin.
Bræðið hnetusmjör, smjör og kókosolíu saman ásamt vanilludropum.
Blandið svo þurrefnum saman við og hrærið vel.
Hellið í form eða setjið í litlar hrúgur á smjörpappír og kælið.
