Lífshlaupið 2020 – skráning er nú hafin

Þann 5. febrúar næstkomandi mun hin árlega keppni fyrirtækja og einstaklinga, Lífshlaupið, hefjast með formlegum hætti. Keppni milli vinnustaða stendur frá 5. – 25. febrúar en keppni fyrir skóla landsins stendur frá 5. – 18. febrúar.

Aðstandendur keppninnar hvetja öll fyrirtæki og skóla að taka þátt og þannig skapa skemmtilega stemmningu eins og hefur myndast undanfarin ár.

Vakin er athylgi á því á vef Lífshlaupsins að; “ekki þarf að skrá inn vinnustaði frá síðustu keppni en það má finna alla á flettilistanum í skrefinu “Ganga í lið” eða “Stofna lið“. Endilega athugið hvort ykkur vinnustaður sé ekki örugglega skráður áður en þið stofnið nýjan. Hins vegar þarf að stofna inn ný keppnislið undir vinnustaðnum. Sama á við um grunn- og framhaldsskólana. Allir skólar landsins ættu að vera í flettilistanum en þó þarf að stofna inn bekkina aftur. Það má gera á auðveldan hátt með excel innlestri.”

Helstu dagsetningar keppninar eru eftirfarandi:

  • 4. febrúar – Lífshlaupsárinu 2019-2020 lýkur í einstaklingskeppninni.
  • 5. febrúar – nýtt Lífshlaupsár hefst í einstaklingskeppninni
  • 5. febrúar – vinnustaða-, grunn- og framhaldsskólakeppnin hefst með setningarhátíð
  • 17. febrúar – 5 daga reglan tekur gildi
  • 18. febrúar – grunn- og framhaldsskólakeppninni lýkur 
  • 19. febrúar – leyfilegt er að breyta starfsmannafjölda vinnustaða til og með 19. febrúar
  • 25. febrúar – vinnustaðakeppninni lýkur
  • 27. febrúar – skráningu hreyfingar í öllum keppnum lýkur kl. 12:00
  • 28. febrúar – Verðlaunaafhending

Upplýsingar um Lífshlaupið er hægt að nálgast á heimasíðu keppninar; www.lifshlaupid.is, hjá Íþrótta- og Ólympíusambandi Íslands í síma 514-4000 en auk þess er hægt að senda fyrirspurnir beint á lifshlaupid@isi.is