Fyrir þessa uppskrift gerði ég mitt eigið hafrahveiti, sem er ekkert meira en bara hakkaðir hafrar, og minn eigin hummus en það er líka hægt að kaupa tilbúinn hummus út í búð. Ég hins vegar veit ekki hvar maður getur keypt hafrahveiti þannig ég tel best að búa það til sjálfur enda er það mjög auðvelt!
Innihald:
- 1,5 dl af hafrahveiti
- 2,5 dl af hummus
- Sesamfræ frá Horizon (hægt að sleppa)
Heimalagað hafrahveiti
- 1,5 dl af höfrum frá Himneskri Hollustu (hakkað niður í duft)
Heimalagaður hummus
- 300 grömm af kjúklingabaunum í krukku frá Himneskri Hollustu (1 krukka)
- 2-3 hvítlauksgeirar
- 2-4 msk af extra jómfrúarólífuolíu frá Himneskri Hollustu
- 1 msk af kjúklingabaunavatni frá krukkunni (ef vill)
- 1/2 tsk af salti
Aðferð:
Byrjið á því að hita ofninn upp í 180°C og á meðan er hægt að útbúa hafrahveitið og hummusinn.
Hafrahveiti: Setjið 1,5 dl af höfrum í matvinnsluvél eða blandara og hakkið hafrana niður þar til þið fáið fínt duft. Leggið svo hafrahveitið í stóra skál en þið bætið svo hummusinum við þegar hann er tilbúinn.
Hummus: Skolið kjúklingabaunirnar vel til að byrja með. Ég helli baununum í sigti og skola þær undir köldu kranavatni en áður en ég geri það tek ég 1 msk af kjúklingabaunavatninu frá.
Setjið svo kjúklingabaunirnar ásamt hvítlauk, ólífuolíu, salti og kjúklingabaunavatni í matvinnsluvél og blandið í nokkrar mínútur þar til þið fáið mauk.
Bætið hummusinum við hafrahveitið og hnoðið vel saman þar til þið fáið deig. Ég notaði sleikju í verkið en það er hægt að nota hendurnar.
Næst skal leggja deigið á bökunarpappír og fletja það aðeins niður með höndunum. Leggið svo annan bökunarpappír yfir og rúllið deigið með kökukefli. Deigið á að vera þunnt, 6 mm eða minna á þykkt.
Þegar búið er að fletja deigið skal skera það í hringi. Hægt er að nota kringlótt „piparkökuform“ en ég notaði brúnina á glasi þar sem ég átti ekki kökuform. Hnoðið svo deigið sem verður afgangs aftur saman og endurtakið þar til deigið klárast.
Leggið deigið á bökunarplötu með pappír undir og gerið gat á alla bitana, þetta er gert til þess að þeir bakist jafnt. Þið takið gaffal og stingið honum 3-4 sinnum yfir kexbitana, byrjið efst og færið ykkur niður eftir kexinu. Ef kexbitarnir eru ekki allir jafnþykkir er best að setja þykkustu bitana í miðjuna og þynnri bitana út á hliðarnar.
Spreyið bökunar- eða olíuspreyi létt yfir kexið og stráið sesamfræjum yfir ef þið viljið. Þrýstið svo sesamfræjunum varlega niður í kexið með fingrunum svo þau festast.
Bakið kexið í 30-40 mínútur þar til kexbitarnir verða stökkir og gylltir að lit. Til að vera viss um að kexið sé tilbúið tek ég gaffal og ýti honum ofan í kexið, ef gaffallinn fer ekki inn í kexið þá er það tilbúið en ef gaffallinn sekkur ofan í kexið þá þarf það lengri tíma í ofninum.
Ég lenti í því að sumir kexbitar voru tilbúnir en aðrir ekki. Ég einfaldlega tók tilbúnu kexbitana frá og leyfði hinum að vera lengur í ofninum. Geymið í loftþéttu íláti, t.d. í nestisboxi í 1-2 vikur.
Njótið!
Ef þið viljið fylgjast betur með mér getið þið fylgt mér á Instagram eða bætt mér við á Snapchat en ég er undir nafninu astaeats
Þangað til næst, verið heil og sæl!
Þessi færsla er gerð í samstarfi við Himneska Hollustu og Horizon
Upprunalegu uppskriftina má finna á vefsíðunni www.mindovermunch.com en ég þýddi hana yfir á íslensku
Höfundur: Asta Eats
Höfundur uppskriftar: Mind Over Munch
