Hvernig á að Komast Inn í Emo Rap

Hvernig á að Komast Inn í Emo Rap

Markmið þessarar greinar er að aðstoða lesendur við það að komast inn í þessa dimmu, en fallegu tónlistarstefnu ásamt léttri fræðslu um uppruna og höfuðpaura senunnar.

Mikið er deilt um uppruna emo raps en almennt er talið að sænski rapparinn Yung Lean hafi spilað stórt hlutverk í mótun emo rappi nútímans. Yung Lean kom fram á sjónarsviðið árið 2012 ásamt Sad Boys crewinu sínu og urðu þeir heimsfrægir á mjög stuttum tíma. Yung Lean nýtur mikilla vinsælda hér á Íslandi, hefur spilað bæði á Sónar 2015 og Verzlóballi núna í ár og ég held að Íslendingar tengi sérstaklega við hann vegna sænskum uppruna hans. Mér finnst allavega mjög nett að sænskur rappari hafi náð svona langt í Bandaríkjunum. Eftir Yung Lean og félaga hefur senan þróast og stækkað smátt og smátt í gegnum árin. Rapparar hafa komið og farið, senan hefur vaxið og dafnað en aldrei hefur hún verið jafn áberandi og í dag. Emo rappararnir sem standa mest út í dag að mínu mati eru þeir Lil Peep, Lil Tracy, Lil Aaron og Trippie Redd.

LIL PEEP

20633405_491133194553797_6640792598153789440_n

Lil Peep, leiðtogi GothBoiClique, er fæddur og uppalinn í New York árið 1996. Hann hefur gefið út 3 mixtape; Lil Peep Part One, Crybaby og Hellboy. Hellboy er það lang besta sem hann hefur gefið út og líklegast það tape sem ég hlustaði mest á í byrjun árs 2017, þegar ég uppgötvaði hann. Tónlistarstíl Lil Peep er nokkuð erfitt að lýsa þar sem hann rappar/syngur  yfir takta sem að “sampla” rokk lög með trap trommum undir. Hann segist fá innblástur bæði frá röppurum eins og Gucci Mane og Future ásamt hinum ýmsu rokkhljómsveitum. Fyrsta platan hans kemur út núna í Ágúst og ber heitið “Come Over When You’re Sober”, hægt er að hlusta á fyrstu single-ana af henni á Spotify. Til þess að kynna sér Lil Peep betur mæli ég með því að hlusta á tónlistina hans á Soundcloud og Spotify (Hellboy er því miður ekki þar) og sérstaklega mæli ég með þessum umfjöllunum um hann:

PITCHFORK – Tears of a Dirtbag: Rapper Lil Peep Is the Future of Emo.

NOISEY – A First Date in a Cemetery with Lil Peep

THE FADER – Meet Lil Peep, The All-American Reject You’ll Hate To Love

Lil Peep – Benz Truck

Lil Peep – No Respect Freestyle

LIL TRACY

19984780_859116830922645_5391202297520848896_nLil Tracy er fæddur árið 1997 í Virginia. Hann er meðlimur GothBoiClique og það mætti segja að hann sé nokkurskonar hægri hönd Lil Peep. Þeir eiga að minnsta kosti 15 lög saman. Hann hefur gefið út 2 mixteip, Tracy’s Manga og Life of a Popstar. Tracy kemur úr mikilli tónlistarfjölskyldu, pabbi hans var í rapphljómsveitunum Shabazz Palace og Digable Planets (sem spiluðu einmitt á Airwaves í fyrra) og mamma hans var í R&B hljómsveitinni Sisters With Voices. Ég mæli sérstaklega með laginu “Witchblades” sem hann og Lil Peep fluttu svo yndislega eins og þeim einum er lagið.

 

 

Lil Tracy – This Year

Lil Peep & Lil Tracy – Witchblades

LIL AARON

20393521_828697507290091_4965815563860312064_nLil Aaron er fæddur árið 1994 í Indiana. Áður en hann byrjaði sinn eigin tónlistarferill samdi hann lög fyrir annað fólk (meðal annars Carly Rae Jepsen). Veturinn 2016 gaf hann út sitt fyrsta mixtape að nafninu GLOIN PAIN$ við góðar undirtektir. Boltinn byrjaði síðan að rúlla hjá honum í byrjun árs 2017 og þá sérstaklega eftir að áhrifamesti áhrifavaldur heims, Kylie Jenner, spilaði lögin hans á snapchattinu sínu. Ég mæli sérstaklega með laginu Hot Topic eftir hann og viðtalinu við hann fyrir neðan ef fólk skyldi hafa áhuga á að kynna sér hann betur.

 

Lil Aaron – No Jumper viðtal

Lil Aaron – DRUGS

Trippie Redd

20065936_140597223185702_1983014816066830336_nTrippie Redd fæddist árið 1999 í Ohio. Nýlega hafa lögin hans “Love Scars” og “Romeo And Juliet” slegið í gegn í Bandaríkjunum og rakað inn spilunum í margra milljóna tali á bæði Soundcloud og Spotify. Tónlistarmyndböndin hans eru mjög áhugaverð þar sem hann og squadið hafa mjög sérstakan smekk í klæðaburði og bera sig á sérstakan hátt. Trippie Redd hefur verið gagnrýndur fyrir það að hljóma alveg eins og Lil Uzi Vert og það er vissulega eitthvað til í því, þrátt fyrir það er hann einn af mínum uppáhalds nýju röppurum og ég mæli með mixteipinu “A Love Letter To You”, sérstaklega laginu “Poles1469”. Til þess að kynna sér Trippie Redd betur mæli ég með þessum umfjöllunum:

 

NOISEY – Trippie Redd Is on the Way to Becoming Soundcloud Rap’s Frank Sinatra

XXL – The Break Presents: Trippie Redd

PIGEONS AND PLANES – Trippie Redd is on Track to Become Rap’s Next Rock Star

Trippie Redd – Love Scars

Trippie Redd – Pigeons & Planes viðtal

Trippie Redd ft. 6IX9INE – Poles1469

Auðveldasta leiðin inn í heim emo rapps er að byrja á að hlusta á Youtube myndböndin linkuð við listamennina hér fyrir ofan. Ef hlustandi sér ekkert heillandi við þessi lög þá er emo rap vissulega ekki fyrir viðkomandi. Líki viðkomandi vel við lögin og myndböndin hér að ofan allavega smá, þá mæli ég með Hellboy mixteipinu eftir Lil Peep, algjört meistaraverk. Eftir Hellboy mixteipið er leiðin bein og greið inn í dimma heim emo rappsins. Einnig vil ég benda á það ef viðkomandi er aðdáandi rapparana Lil Uzi Vert, Nav eða XXXtentacion þá ætti ekki að vera erfitt fyrir hann að komast inn í emo rappið. Fleiri listamenn sem ég fjallaði ekki um fyrir ofan en eru þó þess verðugir að kíkja á eru til dæmis 6 Dogs, Bladee, Pouya og Suicideboy$.

Ég geri mér fulla grein fyrir því að emo rap er ekki fyrir alla og við fyrstu sýn virðist þessi tónlist vera tilgerðarleg, skrítin og óþægileg, en ef hlustandi gefur þessu séns þá er mikil snilld sem býr að baki þarna. Þegar allt kemur til alls eru þetta flest allt sárþjáðir listamenn djúpt sokknir í myrkur, angist, truflaðan veruleika og mikla eiturlyfjaneyslu í þokkabót, að berjast við tilfinningarnar sínar á frumlegan og skemmtilegan hátt í gegnum tónlist.

 

Bergþór Másson

 

Share on facebook
Share on twitter
Share on pinterest

NÝLEGT