Við höldum áfram með gómsætar ketó uppskriftir frá Kristu hér á H Magasín. Nú eru það kókoskúlur fyrir þá sem eru á ketó og vilja fá örlítið sætt bragð inn í tilveruna.
Innihald
- 100 g smjör, mjúkt
- 1 dl sweet like sugar frá Good Good, gott að fínmala í blandara
- 1/2 dl hampfræ frá Himneskri hollustu
- 1/2 dl chia fræ frá Himneskri hollustu
- 2 msk kakó
- 2 dl malaðar möndlur frá Himneskri hollustu eða möndlumjöl frá NOW
- 1 tsk vanilludropar má líka nota rommdropa
- 2 msk kalt kaffi
- 1 dl gróft kókosmjöl til að velta kúlunum upp úr
Aðferð
Maukið allt innihald í kröftugum blender.
Ég nota Thermomixinn minn í allt svona en það má líka nota hrærivél.
Kælið allavega í 1 klst og mótið svo kúlur úr deiginu.
Veltið kúlunum upp úr grófu kókosmjöli. Raðið þeim fallega á disk, kælið eða frystið. Þessar eru dásamlega góðar með kaffinu.
