Hvernig væri að nýta heimavistina í að prófa sig áfram í eldhúsinu í hollustugúmmulaðisgerð?
Kókostoppar eru dýrðarinnar dásemd í munni og geta dimmu í dagsljós breytt.
En margir eru því miður fabrikkaðir og svo stútfullir af auka efnum og rotvarnarefnum að það sést hvorki blettur, mygla né hrukka á þeim þó þú gleymir þeim í skúffunni í marga mánuði….. hér er talað af reynslu.
Hér er sykurlaus og hollari útgáfa af kókostoppum til að maula með familíunni og njóta niður í hverja frumu.
Innihald
- 2 msk kókosolía (t.d Himnesk Hollusta)
- 140 g kókoshnetuhveiti (t.d Bob’s Red mill coconut flour)
- 70g kókosmjöl (shredded coconut)
- 5-7 dropar NOW Foods Iceland kókoshnetu Stevia
- 60g Good Good Sweet like sugar erythritol
- 3 eggjahvítur
- 300 ml ósætuð möndlumjólk (Isola)
- 100g bráðið ósætað dökkt súkkulaði (t.d Nicks eða Valor með Stevia, fæst í Nettó)
Aðferð:
Notaðu skeið til að slumma c.a 2 msk af deigi á bökunarplötu.
Bleyttu hendurnar og mótaðu toppa. Bakaðu í c.a 15 mínútur á 180°C eða þar til þær eru orðnar gullinbrúnar eins og eftir viku á Ibiza.
Leyfðu dúllunum að kólna aðeins áður en þú dýfir rassinum á þeim í bráðið súkkulaðið.
Voilá…. hálftíma síðar áttu gordjöss gúmmulaði.
Geymist vel í kæli í 5-6 daga
Eins má henda þeim í frystinn.
Höfundur: Ragga nagli
