Kollagen súkkulaðibúðingur í hollari kantinum.
Það jafnast ekkert á við skál af kremkenndum og mjúkum súkkulaðibúðing! Þessi ljúffenga uppskrift inniheldur uppbyggjandi kollagen, góða fitu og næringu. Það er mjög auðvelt og snjallt að bæta kollagen dufti út í drykki, grauta, bakstur og eftirrétti enda er það bragð- og lyktarlaust og blandast vel. Það er vel hægt að nota sykurlaust síróp frá GoodGood fyrir þá sem vilja.
Kollagen Súkkulaðibúðingur
- 2 stk avókadó
- 1/3 bolli kakóduft frá Himnesk Hollusta
- ½ bolli lífrænt hlynsíróp frá Naturata
- 1/3 bolli lífræn kókósmjólk úr dós
- 2-5 dropar French vanilla stevia frá Now
- 1 skeið kollagen duft frá Vital Proteins
Aðferð
Setjið avókadó, kakóduft, hlynsíróp, kókósmjólk, vanilla dropa og kollagen duft í matvinnsluvél og blandið þar til silkimjúkt. Gott að setja í kæli í smá tíma og leyfa aðeins stífna. Uppskriftin dugar fyrir 2.
Setjið í skál og toppið með ferskum jarðaberjum, smá slettu af kókósmjólk og dökku súkkulaði ef vill. Njótið!
Höfundur: Ásdís Grasa
