Sólarvörn sem hefur fyrirbyggjandi áhrif gegn húðkrabbameini

Að eiga góða stund útivið með vinum og fjölskyldu, á sólríkum sumardegi, er einfaldlega ómetanlegt og eitthvað sem við Íslendingar þráum einna heitast eftir langa og þunga vetur. Þegar sólin skín hátt á lofti yfir sumartímann hér landi má gjarnan sjá fólk flykkjast út á götur, torg og garða, með það fyrir augum að sleikja sólina og eiga notalega stund í góðviðrinu.

Blessuð sólin er þó ekki alveg hættulaus en samkvæmt Jennu Huld, húðlækni, hafa rannsóknir sýnt fram á ótvíræð tengsl á milli sólarnotkunar og húðkrabbameina, þ.e.a.s. því meiri sólarnotkun því meiri áhætta á húðkrabbameini seinna á lífsleiðinni. Það er því mikilvægt að fara með aðgát þegar við reynum hvað við getum að fá sem mest út úr sólríkum sumardögum og þá kemur góð sólarvörn svo sannarlega að góðum notum.

Þegar kemur hins vegar að vali á sólarvörn er ýmislegt í boði og úrvalið mikið. Það er hins vegar eins með sólarvarnir eins og aðrar vörur, gæðin eru misjöfn eins og vörurnar eru margar. Það ber því að vanda vel valið og tryggja að valin sé gæða sólarvörn sem er best til þess fallin að vernda húðina okkar fyrir skaðlegum áhrifum sólarinnar. Það er einmitt þar sem Actinica sólarvörnin kemur til sögunnar.

Actinica sólarvörn

Actinica sólarvörn er fyrsta og eina sólarvörnin sem sýnt hefur verið fram á með klínískum rannsóknum að hafi fyrirbyggjandi áhrif gegn húðkrabbameini, öðru en sortuæxli (NMSC, Non-melanoma skin cancer) hjá ónæmisbældum sjúklingum. [1] 

Húðlæknar ráðleggja því sínum skjólstæðingum að nota Actinica þegar stefnan er tekin á útiveru í sólinni. Actinica sólarvörn er bæði með UVA og UVB vörn, er rakagefandi og hefur SPF 50+ vörn. Þá er hún án allra ilmefna og PEG ýruefna og hentar því vel viðkvæmri húð. [1]

Þá ber líka að nefna einstakan skammtara sem hjálpar fólki að nota hæfilegt magn þegar sólarvörnin er borin á en samkvæmt Jennu notar einungis um fjórðungur fólks þykkt lag eins og á að gera, sem þýðir með öðrum orðum það að flestir smyrja alltof þunnu lagi af sólarvörn á sig.

Actinica sólarvörn fæst í öllum helstu apótekum og í vefverslun H Verslunar.

Njótum þess að vera úti í sólinni í sumar og pössum vel upp á húðina okkar og heilsuna.

Heimild:

[1] Ulrich C et al. Prevention of non-melanoma skin cancer in organ transplant patients by regular use of a sunscreen: a 24-months prospective, case-control study. Br J Dermatol 2009; 161:78-84.

Tilvísun: GAL200701