Mikilvægi vatnsdrykkju

Mikilvægi vatnsdrykkju

Munum eftir að drekka nóg af vatni

Erum við ekki öll meðvituð um þá staðreynd að mannslíkaminn er um 60% vatn að meðaltali? Þessi staðreynd ætti að duga til þess að við áttum okkur á mikilvægi þess að drekka nóg vatn. Það er í hverri frumu, beinum, vefjum og líffærum og gegnir hinum ýmsu hlutverkum. Með nægri vatnsdrykkju yfir daginn erum við að styðja við heilbrigða og góða líkamsstarfsemi því ef við drekkum ekki nóg vatn mun það koma niður á heilsunni.

Líkami þinn þarf vatn til að:

  • Hjálpa til við að viðhalda réttum líkamshita
  • Halda blóðþrýstingi eðlilegum
  • Smyrja liði og liðamót
  • Hjálpa til við að losa okkur við úrgang með þvagi, hægðum og svitamyndun
  • Vernda lífsnauðsynleg líffæri, eins og heila og mænu
  • Hjálpa til við meltingu og minnka líkur á hægðatregðu
  • Flytja næringarefni um líkamann

Rannsóknir sýna að við þurfum að meðaltali um 2-2,5L af vatni á dag en oft hefur verið talað um að drekka um 30ml á hvert kg yfir daginn að meðaltali. Daglega missum við um 2-3L af vatni í gegnum öndun, svita, þvaglát og hægðir. Þá skulum við hafa í huga að við missum meira vatn þegar við erum t.d. í miklum hita, þegar við svitnum við líkamlega áreynslu, ef við förum í gufu og heit böð og ef við drekkum mikið af kaffi eða te, því koffínið er þvagörvandi og veldur auknu vökvatapi. Þá má ekki gleyma þeirri staðreynd að  mikil streita veldur aukinni vatnslosun.

Merki þess að þú sért ekki að drekka nóg vatn:

  • Sársauki í liðamótum
  • Höfuðverkur
  • Vöðvaverkir
  • Hægðatregða
  • Orkuleysi
  • Þurr húð
  • Svimi
  • Dökkt þvag

Að þessu sögðu viljum við minna ykkur á mikilvægi þess að drekka nóg vatn og höfum í huga að drekka ekki bara vatn þegar við verðum þyrst því það getur verið eitt merki þess að við séum með vatnsskort.

Brúsarnir frá Camelbak eru allir 100% BPA, BPS og BPF fríir.

Mörgum finnst erfitt að muna eftir vatninu, en til þess að hjálpa okkur að muna eftir því að drekka vatn er eitt besta ráðið að vera alltaf með brúsa við höndina. Í H Verslun eru hinir geysivinsælu brúsar frá Camelbak seldir, en brúsarnir eru allir 100% BPA, BPS og BPF fríir. Camelbak býður upp á brúsa úr gæða plasti en einnig úr ryðfríu stáli sem halda vökva bæði köldum og heitum, brúsarnir eru allir mjög endingagóðir. Gott ráð er að hafa brúsa í vinnunni, í bílnum og heima það hjálpar okkur að muna eftir því að drekka nóg. Önnur góð ráð er að setja okkur dagleg markmið, stilla símann okkar á áminningu nokkrum sinnum yfir daginn, drekka eitt stórt glas um leið og við vöknum til að koma kerfinu í gang og drekka eitt stórt glas fyrir hverja máltíð.

Um þessar mundir eru margar tegundir Camelbak brúsa á frábærum afslætti inni á hverslun.is þar má finna bæði stál- og plastbrúsa á allt að 50% afslætti. Smelltu hér til að sjá brúsa sem eru á afslætti.

Smelltu hér til að sjá allar þær Camelbak vörur sem til eru í H Verslun.

Hugum að heilsunni og drekkum meira vatn!

Share on facebook
Share on twitter
Share on pinterest

NÝLEGT