Prótein pönnukökur

Prótein pönnukökur

Helgin er loksins komin og þá finnst mér mjög gaman að gera mér einhvað gott í morgun/hádegismat. Ég gerði súper fljótlegar próteinpönnsur í dag sem ég ætla að deila með ykkur uppskriftinni af. Ég er búin að nota sömu uppskriftina í nokkur ár en breyti henni stundum ef ég á ekki einhvað til að vil prófa einhvað nýtt.

Uppskrift fyrir einn

1 egg

1/2 skeið súkkulaðiprótein (ég nota casein finnst það betra með bakstri)

30-40g hafrar

1/2 banani (sleppi honum stundum)

1 tsk bökunarkakó

2-3 dropar af vanillu steviu

Haframjólk (magn fer eftir því hversu þykkt þú vilt hafa deigið)

Aðferð

Öllu hrært saman í blandrar og svo steikt uppúr kókos olíu, kókos olían gefur mjög mikið bragð svo ef þú ert ekki hrifin af kókos getur þú steikt uppúr þeirri olíu sem þú fýlar.

Tillögur að því sem er gott að setja ofan á pönnukökurnar

Stevia súkkulaði smyrjan frá GoodGoodBrand er svona helgar treat og verð ég eiginlega að mæla með því að allir prófi þessa snilld.

Venjulega er ég að setja steviu sulturnar frá GoodGoodBrand á pönnukökurnar, stappaðan banana, ávexti eða sýróp frá Walden farm sem er alveg kaloríulaust.

Mörgum finnst mjög gott að borða pönnukökurnar með smjöri og osti en ég er hrifnari af því að setja einhvað sætt ofaná þær þar sem ég er algjör nammi sjúklingur og nota þá pönnukökurnar með einhverju sætu til þess að forðast það að fara og fá mér ís.

Góða helgi <3

Höfundur: Katrín Kristinsdóttir

Share on facebook
Share on twitter
Share on pinterest