Getur þú líst þinni daglegu húð- og snyrtirútínu?
Það fyrsta sem ég geri á morgnana er að skvetta framan í mig ísköldu vatni og þurrka mér svo með þurrum klút. Því næst hreinsa ég húðina með toner og set á mig rakakrem og augnkrem. Förðunarrútínan mín er mjög basic – litað dagkrem, litur í augabrúnir, maskari og varasalvi/varalitur. Ef ég er í stuði, þá set ég á mig kinnalit! Á kvöldin þríf ég andlitið með kókosolíu og vel heitum þvottapoka, því næst þríf ég húðina með hreinsifroðu og set svo á mig gott rakakrem.
Hvaða snyrtivörur ertu alltaf með í veskinu?
Varasalva og augnháragel sem ég nota þó ekki á augnhárin heldur hárin á hausnum á mér, þessi litlu sem standa alltaf út um allt og láta mig líta út eins og lukkutröll! Takk fyrir tipsið Camilla Rut (camyklikk).
Hvaða húðvörur notar þú?
Ég er alls ekki föst í neinum ákveðnum merkjum þegar kemur að húðvörum, en það sem mér finnst allra best á húðina er kókosolía. Ég hef hvorki notað sturtusápu, body lotion eða svitalyktareyði í tvö ár og kókosolían leysir þetta allt af. Ég á alltaf til nokkrar krukkur af kókosolíu, hún nærir mig að innan og utan!
Prófar þú reglulega nýjar snyrtivörur?
Nei ég myndi ekki segja það, ég er mjög vanaföst þegar kemur að snyrtivörum. Eða reyndar er ég mjög dugleg að kaupa mér allskonar varaliti, prófa mest nýtt þegar kemur að þeim.
Hverjar eru uppáhalds snyrtivörurnar þínar?
Varalitir og þá á ég frá hinum og þessum merkjum, varalitirnir frá Mac eru þó pínu uppáhalds sem og möttu varalitirnir frá Maybelline. Það er bara ótrúlegt hvað fallegur varalitur getur gert.
Áttu þér uppáhalds merki?
Ég er mjög hrifin af Maybelline, aðallega vegna þess að ég elska maskarana frá þeim og möttu varalitina.
Hvar verslar þú helst snyrtivörur?
Í apótekum og Hagkaup í Smáralind, elska vöruúrvalið þar.
Áttu gott ráð til að deila með lesendum H Magasín?
Muna að brosa og kókosolía er best á allt, nema pylsu!
Höfundur: Hrefna Dan / H Talari
Instagram og Snapchat: hrefnadan
